Çin hakimiyyəti Ukrayna problemi və Yaxın Şərqdəki vəziyyətlə bağlı Fransa hökuməti ilə təmasları və koordinasiyanı gücləndirməyə hazırdır.

APA xəbər verir ki, bu barədə Çin xarici işlər naziri Van İ Parisdə Fransanın xarici işlər naziri Jan-Noel Barro ilə birgə keçirdiyi mətbuat konfransında bildirib.

“Çin Ukrayna münaqişəsinin həlli və Yaxın Şərqdəki aktual problemlərin aradan qaldırılması üçün Fransa ilə dialoq və koordinasiyanı gücləndirməyə hazırdır”, – deyə Van İ vurğulayıb.