Müdafiə Nazirliyi: Hava Hücumundan Müdafiə sistemləri Kursk vilayəti üzərində pilotsuz uçan aparatı məhv edib

Bu gün səhər saatlarında Kursk vilayəti səmasında Ukraynaya məxsus təyyarə tipli pilotsuz uçan aparat vurulub.

Xalqcebhesi.az xəbər verir ki, bu barədə Rusiya Müdafiə Nazirliyi məlumat yayıb.

PUA-nın Moskva vaxtı ilə saat 09:00 radələrində növbətçi hava hücumundan müdafiə vasitələri tərəfindən vurulduğu bildirilib. Hadisə nəticəsində xəsarət alan və ya dağıntılar barədə məlumat yoxdur.

Bundan az əvvəl Yaroslavl vilayətində də iki Ukrayna PUA-sı zərərsizləşdirilib. Vilayətin qubernatoru Mixail Evrayevin sözlərinə görə, hadisə Yaroslavl şəhəri yaxınlığında baş verib və hər iki aparat şəhərə yaxınlaşarkən məhv edilib.

Məryəm Quliyeva