ABŞ-nin Texas ştatında xristian qızların düşərgəsi Qvadalupe çayının 45 dəqiqəyə 8 metr qalxması nəticəsində su altında qalıb.

Qeyd edilib ki, düşərgə su altında qalanda uşaqlar yuxuda olub. Kerr dairəsinin şerifi Larri Leitha yay düşərgələrinin yerləşdiyi ərazidə 28 uşaq cəsədi tapıldığını bildirib. Düşərgə ilə Kerrvil şəhəri arasındakı yol istifadəyə yararsız hala gəlib.

Seldən zərər çəkən evlərin ətrafı yıxılan ağaclarla, səpələnmiş əşyalarla və dağılmış infrastrukturla dolub. Axtarış işləri davam etdikcə itkin düşənlərin diri tapılması ümidləri azalır. Zəhərli ilanlar və qalın palçıq qrupların işini çətinləşdirir.

Qeyd edək ki, ABŞ prezidenti Donald Tramp iyulun 4-də baş verən daşqın fəlakəti səbəbindən Kerr dairəsini fəlakət bölgəsi elan edib.