İran dövlət televiziyasının məlumatına görə, İran 2015-ci ildəki nüvə sazişinin Avropa tərəflərinin tələbi ilə nüvə müzakirələrinin yeni mərhələsinə razılıq verib.

İyulun 25-i cümə günü İstanbulda xarici işlər nazirlərinin müavinləri səviyyəsində keçiriləcək nüvə müzakirələrində İranı xarici işlər nazirlərinin müavinləri Məcid Təxt-Rəvançi və Kazem Qəribabadi təmsil edəcək.

Bildirək ki, İranla nüvə sazişinin E3 kimi tanınan Avropa tərəfləri, Böyük Britaniya, Fransa və Almaniya mayın 16-da İstanbulda xarici işlər nazirlərinin müavinləri səviyyəsində görüşmüşdü. Tərəflər ABŞ və İran arasında davam edən danışıqlar zamanı aparılan danışıqların davam etdirilməsi barədə razılığa gəlmişdi.