Honq-Konqu vurduqdan sonra "Wipha" tayfunu Çinə doğru irəliləyərək Guangdong əyalətini vurdu.

Xalqcebhesi.az xəbər verir ki, səlahiyyətlilər tayfun üçün ən yüksək xəbərdarlıq səviyyəsi olan T10 xəbərdarlığı etdi.
Küləyin sürəti saatda 167 kilometri keçən "Wipha" tayfunu Filippindən sonra Honq-Konqu vurdu. Çinə doğru irəliləyən və Quanqdonq əyalətinə təsir edən qasırğa nəticəsində 26 nəfərin xəsarət aldığı bildirilib. Rəsmilər Honq-Konqda uçuşların və gəmilərin ləğv edildiyini, məktəblərin və uşaq bağçalarının da bağlandığını açıqlayıb.
Çin mediasının məlumatına görə, Honq Konq Rəsədxanası küləyin sürətinin saatda 118 kilometri (saatda 78 mil) keçə biləcəyini bildirib. "Wipha" qasırğası səbəbindən Çinin Honq-Konq Xüsusi İnzibati Bölgəsi üçün ən yüksək səviyyə olan T10 fırtına xəbərdarlığı edilib.
Rəsədxana bildirib ki, ən yüksək səviyyə olan T10 xəbərdarlığı Honq-Konq üçün sonuncu dəfə 2023-cü ildə edilib. Şəhərdə liman və hava hərəkəti dayandırılıb, yüzlərlə reys ləğv edilib və bərə xidmətləri dayandırılıb.

Məryəm Quliyeva