Qəzzadakı hökumətin media idarəsindən verilən yazılı açıqlamada, dünən Sudaniya bölgəsində qanlı qırğın törədildiyi bildirilib və ölənlərin sayı yenilənib.

Açıqlamada Zikim bölgəsindən gələn yük maşınlarından un və humanitar yardım götürməyə gedən fələstinlilərin Sudaniya bölgəsində hədəf alındığı qeyd edilib. Hücum cəmi üç saat ərzində 51 nəfərin ölümü və 648 nəfərin yaralanması ilə nəticələnib.

Açıqlamada əlavə edilib ki, dünən Qəzzaya cəmi 112 tır humanitar yardım daxil olub və onların əksəriyyəti İsrailin qəsdən və sistemli şəkildə yaratdığı xaosda talan edilib.