Hindistan Ticarət və Sənaye Palatası (CTI) ABŞ-ın idxal rüsumlarını 50%-ə qaldırmasına qarşı Hindistan hökumətini cavab tədbirləri görməyə çağırıb.

Xalqcebhesi.az xəbər verir ki, CTI rəhbəri Brixeş Qoyal, ABŞ-ın rüsumları artırmasının Hindistan ixracatını 10-15% azaldacağına və bir çox sahələrin, xüsusilə elektronika, farmasevtika və avadanlıq istehsalçılarını mənfi təsir edəcəyinə diqqət çəkib. O, həmçinin əlavə edib ki, Çin kimi əsas rəqiblər Hindistanın bazarını ələ keçirə bilər.

Hindistan hökumətinin alternativ bazarlara yönəlməsi və ABŞ-dan asılılığı azaltması tövsiyə olunub.

Tramp, avqustun 6-da Hindistan məhsullarına əlavə 25%-lik rüsum tətbiq edən fərman imzalayıb. Bu addımın səbəbi isə Hindistanın Rusiya nefti alması ilə bağlı narahatlıqlardır. Trampın qərarı ilə ABŞ-ın Hindistan məhsullarına tətbiq etdiyi rüsum 50%-ə çatıb.

Hindistanın Baş naziri Narendra Modi, yerli istehsalçıları qorumağa hazır olduqlarını və yüksək qiymətə belə ödəməyi qəbul etdiklərini bildirib.

Məryəm Quliyeva