Daily Mail seysmoloqlara istinadən xəbər verir ki, ABŞ-ın sahil zonasında nəhəng sunami ilə müşayiət olunan 9 bal gücündə zəlzələ baş verə bilər.

Nəşrin məlumatına görə, yüksək dəqiqlikli sualtı xəritəçəkmə texnologiyalarından istifadə edilməklə aparılan tədqiqat Kaskad subduksiya zonasında geostatik aktivliyin əlamətlərini aşkar edib. Alimlər Şimali Amerika sahilləri boyunca - Kanadadan Kaliforniyaya qədər uzanan 970 kilometr uzunluğunda dörd nəhəng qırılma seqmenti aşkar ediblər.

Qeyd edildiyi kimi, bu ərazidə təkanlar bütün sahil infrastrukturunu məhv etməklə yanaşı, su və atmosferin çirklənməsinə də səbəb ola bilər. Belə bir zəlzələ 1700-cü ildə ABŞ-da müşahidə olunub. Belə hadisələr, alimlərin fikrincə, hər 500 ildə bir dəfə təkrarlanır.

Cavid