Tramp Putinlə sammitdən sonra Zelenski ilə görüş keçirməyi planlaşdırdığını açıqlayıb.

Xalqcebhesi.az xəbər verir ki, ABŞ Prezidenti Donald Tramp, Fox News Radio-da verdiyi açıqlamada, Rusiya Prezidenti Vladimir Putinlə Alaskada görüşdən sonra Ukrayna Prezidenti Vladimir Zelenski ilə əlaqə saxlayaraq ikinci görüşün təşkilini müzakirə edəcəyini bildirib.
"Danışıqların necə keçəcəyinə görə, Prezident Zelenskiyə zəng edəcəyəm və deyəcəyəm: gəlin görüş təşkil edək — harada olursa olsun. Hələ harada keçirəcəyimizi bilmirəm", – deyə amerikalı lider qeyd edib.
Onun sözlərinə görə, bu görüş üçün üç mümkün yer var. Bir variant isə "Alaskada qalmaq"dır, Tramp əlavə edib.
"Bu, ən asan variant olardı", – deyə o, vurğulayıb.

Məryəm Quliyeva