Bloomberg mənbələrə istinadən xəbər verir ki, ABŞ prezidenti Donald Trampın administrasiyası Amerika texnologiya nəhəngi Intel şirkətinin payını almaq üçün danışıqlar aparır.

Onların fikrincə, bu sövdələşmə korporasiyanın ABŞ-da istehsal potensialını gücləndirmək, o cümlədən Ohayo ştatında istehsal mərkəzinin tikintisinə yardım etmək məqsədi daşıyır.
Payın alınması təklifi avqustun 11-də Ağ Evdə Intel-in baş direktoru Lip-Bu Tan ilə Tramp arasında keçirilən görüşdən sonra yaranıb. Müqavilənin şərtləri hələ də müzakirə olunur. Agentlik qeyd edir ki, razılıq əldə olunarsa, Lip-Bu Tan böyük ehtimalla korporasiyanın rəhbərliyində qalacaq.

Şirkət Bloomberg-ə səlahiyyətlilərlə danışıqlar barədə məlumatı təsdiqləməyib. "Biz Tramp administrasiyası ilə işləməyə davam etməyi səbirsizliklə gözləyirik. Bununla belə, biz şayiələri şərh etmək niyyətində deyilik", - "Intel"in açıqlamasında deyilir.

Cavid