Rusiya, Ukraynanın raket hücumundan zərər çəkmiş "Drujba" neft kəmərinin tez bir zamanda bərpası üçün əlindən gələni edir, lakin təmir işləri ən azı beş gün çəkəcək.

Xalqcebhesi.az xəbər verir ki, bu barədə Macarıstanın Xarici İşlər və Xarici İqtisadi Əlaqələr Naziri Peter Siyarto bildirib. O, Rusiya Energetika Nazirinin birinci müavini Pavel Sorokininin ilə telefon danışığından sonra məlumat verib.

Siyartonun sözlərinə görə, onlar hücumun texniki nəticələrini müzakirə ediblər. "Hazırda vəziyyət əvvəlkindən daha ciddidir, çünki bu hücum zamanı ukraynalılar yalnız pilotsuz uçuş aparatlarından deyil, həm də raketlərdən istifadə ediblər. Rusiya həmkarım bizi məlumatlandırdı ki, onlar nəqliyyat marşrutunu mümkün qədər tez bərpa etməyə çalışırlar, amma bu işlər ən azı beş gün çəkəcək", - deyə Siyarto Facebook-da yazıb.

Məryəm Quliyeva