ABŞ Prezidenti Donald Tramp hesab edir ki, Qəzza sektorundakı münaqişə iki-üç həftə ərzində tam həll oluna bilər.

APA xəbər verir ki, Tramp bu barədə Ağ Evdə Cənubi Koreya Prezidenti Li Çje Myon ilə görüşün əvvəlində jurnalistlərin suallarını cavablandırarkən bildirib.

“Düşünürəm ki, növbəti iki-üç həftə ərzində münaqişəni yaxşı və yekun şəkildə həll edəcəyik. Bunu demək çətindir, çünki bu region min illərdir münaqişələr mərkəzidir və həmişə gərginlik mənbəyi olub”, – deyə Tramp qeyd edib.