Hindistan musson yağışlarının təsirinə məruz qalan Ravi, Çenab və Sutlej çaylarındakı bəndlərdən artıq suyu buraxmaq qərarına gəlib.

Səlahiyyətlilər bildiriblər ki, bəndlərdən artıq suyun boşaldılmasından sonra Pakistanın Pəncab əyalətində daşqınlar baş verib.

Sel səbəbindən 22 nəfərin öldüyü, çox insanın itkin düşdüyü və təxminən 600 min insanın təxliyə edildiyi bildirilib.

Səlahiyyətlilər yüzlərlə kəndin su altında qaldığını, kənd təsərrüfatı əkinlərinə ziyan dəydiyini, bir neçə körpünün dağıldığını qeyd edib.

Eləcə də çayların axınının yüksək olduğu, daşqın riskinin davam etdiyi də vurğulanıb.