ABŞ senatorları demokrat Jeanne Shaheen və Respublikaçı Coni Ernst və Co Wilson birgə bəyanat yayaraq İsrail ordusunun Suriyaya son hücumlarını pisləyiblər.

Konqresmenlər "Suriyanın 14 ildən artıqdır ki, ölkəni bürüyən zorakılıq və münaqişənin öhdəsindən gəlmək və uğur qazanmaq şansına ehtiyacı var. Dünən gecə İsrailin Suriyaya qarşı sabitliyi pozan hücumları bu məqsədə çatmağı daha da çətinləşdirir" deyib.

Demokrat Shaheen və Respublikaçı Ernst və Vilson Suriyaya son səfərlərini xatırladaraq ABŞ-nin bu ölkəyə tətbiq etdiyi sanksiyaların ləğvi qərarını dəstəklədiklərini və Dəməşq hökumətinin sabitliyə ehtiyacı olduğunu vurğulayıblar.

Konqresmenlər deyiblər: "Biz İsraili bu fürsətdən istifadə etməyə və düşmənliyi dərhal dayandırmağa çağırırıq. Beləcə suriyalılar və xüsusi nümayəndə Tom Barakın əldə etdiyi irəliləyiş davam edə bilər. Sabit və təhlükəsiz Suriya İranın təsirindən qurtulmağın və İŞİD təhlükəsini cilovlamağın yeganə yoludur".

Qeyd edək ki, avqustun 27-də İsrailin pilotsuz uçuş aparatlarının Dəməşq çölündə yerləşən Kusva bölgəsinə endirdiyi zərbələr nəticəsində 6 Suriya əsgəri həlak olub. İlkin hücumdan sonra İsrail ordusu Kusva bölgəsindəki Mani dağına çoxsaylı hava zərbələri endirib.