Çexiyanın keçmiş Baş naziri Andrey Babiş rəhbərlik etdiyi müxalif siyasi hərəkatın seçki mitinqində hücuma məruz qalıb.

Bu barədə "ÇTK" agentliyi partiyanın mətbuat katibi Martin Vodiçkaya istinadən məlumat yayıb.

Agentliyin məlumatına görə, Babişin başına arxadan metal əşya ilə zərbə endirilib. Bundan sonra siyasətçi xəstəxanaya yerləşdirilib və orada ona tibbi yardım göstərilib. Babiş rentgen müayinəsindən keçib, lakin onun son vəziyyəti ilə bağlı məlumat verilmir.

“Novinky” xəbər portalı dəqiqləşdirib ki, hücum edən şəxs Babişin başına qoltuqağacı ilə vurub.