Fələstinin rəsmi xəbər agentliyi WAFA-nın məlumatına görə, İsrail ordusu Qəzza şəhərinin müxtəlif bölgələrində evlərə və məcburi köçkünlərin sığındığı çadırlara hücum edib.

İsrail döyüş təyyarələrinin Qəzza şəhərinin mərkəzindəki Derej məhəlləsində bir evi hədəf alması nəticəsində 3 nəfər ölüb, 7 nəfər yaralanıb.

Qəzza şəhərinin cənub-qərbindəki Rimal məhəlləsindəki İslam Universitetinin içərisində məcburi köçkünlərın sığındığı çadır İsrail ordusunun hədəfi olub. Hücum nəticəsində 3 nəfər həlak olub.

Eləcə də İsrailin pilotsuz uçuş aparlarının Rimal məhəlləsində çadır və evlərə endirdiyi zərbələr nəticəsində də 3 nəfər həlak olub.

Tel əl-Hava məhəlləsində bir mənzilin bombalanması nəticəsində 3 fələstinli həlak olub.

İsrail döyüş təyyarələri Selasini küçəsindəki mənzili bombalayıb. Hücum nəticəsində 2 fələstinli həlak olub.

Şəhərin qərbində Əl-Əzhər Universitetinin kəsişməsində məcburi köçkünlərin sığındığı çadır İsrail ordusunun hədəfinə çevrilib. Hücum nəticəsində 2 nəfər ölüb, çox sayda insan yaralanıb.