Rusiya xarici işlər nazirliyi, Polşa ilə PUA-larla bağlı vəziyyəti aydınlaşdırmaq məqsədilə aparılacaq işlərdə iştirak etməyə hazır olduqlarını bildirib.

Xalqcebhesi.az xəbər verir ki, bu barədə Rusiya XİN-dən açıqlama verilib.

"Varşavadan gələn əsassız iddialara baxmayaraq, hadisənin tam şəkildə aydınlaşdırılması və vəziyyətin daha da gərginləşməsinin qarşısını almaq məqsədilə, Rusiya Müdafiə Nazirliyi bu mövzuda Polşa Müdafiə Nazirliyi ilə məsləhətləşmələr aparmağa hazırdır", – deyə Smolensk meydanından bildirilir.

Eyni zamanda, Rusiya XİN öz növbəsində bu işə qoşulmağa hazır olduğunu vurğulayıb.