Tayvan ABŞ-dan dörd qabaqcıl “Patriot PAC-3 MSE” hava hücumundan müdafiə sistemi sifariş etməyi planlaşdırır.

Bu barədə “Taipei Times” adı açıqlanmayan müdafiə sənayesi rəsmisinə istinadən xəbər verir.

Mənbənin sözlərinə görə, təklif olunan sifariş xüsusi müdafiə satınalmaları büdcəsi hesabına maliyyələşdiriləcək.

Qəzet “PAC-3 MSE” sistemlərinin ilk partiyasının bu ilin sonunadək çatdırılacağını və Hualien və Taitung əyalətlərində yerləşdiriləcəyini yazır.

Müxtəlif mənbələrə görə hal-hazırda, müxtəlif mənbələrə görə, Tayvan hazırda doqquz “Patriot PAC-3” hava hücumundan müdafiə raket batareyasından istifadə edir.