Misirin Şarm əş-Şeyx şəhərində Qəzza zolağında atəşkəs üzrə danışıqların yeni mərhələsinin birinci günü başa çatıb.

Bu barədə Misirin “Əl-Qahirə əl-İxbariya” telekanalı məlumat yayıb.

Telekanalın məlumatına görə, məsləhətləşmələr müsbət atmosferdə keçirilib və oktyabrın 7-də davam etdiriləcəyi gözlənilir. Danışıqların ilk gününün nəticələri ilə bağlı hələlik əlavə məlumat verilməyib.

Qeyd edək ki, az əvvəl ABŞ prezidenti Donald Tramp Şarm əl-Şeyxdə dialoqun çox yaxşı getdiyini açıqlamışdı.