Almaniya Qəzza zolağının yenidən qurulması ilə bağlı Misirlə beynəlxalq konfrans təşkil etmək istəyir.

Xalqcebhesi.az "Alarabia"-ya istinadən xəbər verir ki, bu barədə kansler Fridrix Merz bildirib.

O bildirib ki, belə bir tədbirin keçirilməsi zəruridir, çünki İsrail və Fələstinin Həmas qruplaşması hərbi əməliyyatları dayandırmağa yaxınlaşır.
"Bu konfransın əsas məqsədi su, enerji və tibbi xidmətin bərpası kimi ən aktual problemləri həll etmək olmalıdır", - Merz bildirib.
Kansler əlavə edib ki, saziş “tezliklə həyata keçirilməlidir” və “girovlar, o cümlədən Almaniya vətəndaşları, nəhayət, öz ailələrinə qayıtmalıdırlar”. Merz həmçinin vurğulayıb ki, humanitar yardım Qəzza sakinlərinə sürətlə çatmalıdır.

Məryəm Quliyeva