Pakistan İslam Respublikasının müxtəlif sərhəd əyalətlərində ötən həftənin sonunda baş verən şiddətli toqquşmalardan sonra Əfqanıstanla sərhəddə qoşunlarını yüksək hazırlıq vəziyyətinə salıb.

Xalqcebhesi.az -ın məlumatına görə, Reuters agentliyi Pakistanın təhlükəsizlik qüvvələrinə istinadən xəbər verir ki, iki ölkə arasında 2600 kilometrlik sərhəddə bütün keçidlər bağlanıb, sərhədyanı ticarət tamamilə dayandırılıb. "Əfqanıstandan gələn səbəbsiz hücumlardan sonra şənbə günündən etibarən bütün keçid məntəqələri bağlanıb", - Reuters mənbələri bildirib. “Oktyabrın 12-də axşam saatlarında bir neçə dəfə atışma olub, lakin ümumilikdə vəziyyət sakit idi”.
Əfqanıstan Müdafiə Nazirliyinin sözçüsü Enayatullah Xovarazmi agentliyə sərhəddə vəziyyətin normal olaraq qaldığını təsdiqləyib. “Əgər Pakistan tərəfi Əfqanıstanın ərazi bütövlüyünü yenidən pozarsa, silahlı qüvvələrimiz ölkənin sərhədlərini müdafiə etməyə tam hazırdır və qətiyyətli cavab verəcək”, - deyə o vurğulayıb.

Məryəm Quliyeva