“Gürcüstanın unikal coğrafi mövqeyi hökumətimizin fəal xarici siyasəti ilə tamamlanır və gücləndirilir”.

APA-nın yerli bürosu xəbər verir ki, bunu Gürcüstanın Baş naziri İrakli Kobaxidze V Tbilisi İpək Yolu Forumunun açılış mərasimində çıxışında deyib.
Onun sözlərinə görə, Tbilisi İpək Yolu Forumu regional dialoq üçün çox mühüm platformaya çevrilib.

“Xüsusilə şadam ki, bu gün dostlarımız və strateji tərəfdaşlarımız olan Ermənistan və Azərbaycanın baş nazirləri bizimlədirlər. Sizin burada olmanız bir daha təsdiq edir ki, Cənubi Qafqaz ölkələrinin ümumi baxışı var. Bu baxış birgə səylərlə regionumuzu sülh, sabitlik və iqtisadi imkanlar məkanına çevirməkdən ibarətdir”, - İ.Kobaxidze söyləyib.