Strateji Silahların Azaldılması Müqaviləsini (Yeni START) əvəz edəcək yeni saziş üçün Rusiya ilə ABŞ arasında münasibətlərdə vəziyyət əsaslı şəkildə fərqli olmalıdır, lakin dialoqda irəliləyiş artıq “görünür”.

Xalqcebhesi.az xəbər verir ki, bu barədə Rusiya Xarici İşlər Nazirliyinin rəhbəri Sergey Lavrov bildirib.

Avrasiya təhlükəsizliyi üzrə Üçüncü Minsk Beynəlxalq Konfransının yüksək səviyyəli plenar sessiyasının yekunları üzrə nazir deyib: "Yeni müqavilə üzərində işləmək üçün, şübhəsiz ki, Rusiya-Amerika münasibətlərində əsaslı şəkildə fərqli atmosfer lazımdır. Bu münasibətlərdə irəliləyiş göz qabağındadır, lakin hələlik, ilk növbədə, dialoqun bərpa olunması ilə bağlıdır".

Məryəm Quliyeva