ABŞ prezidenti Donald Tramp ABŞ Konqresinin üzvləri tərəfindən Rusiya ilə əməkdaşlıq edən ölkələrə qarşı sanksiyalar tətbiq edəcək qanunvericiliyi dəstəklədiyini bildirib.

Tramp bu haqda Floridadan qayıdarkən jurnalistlərə bildirib.

O, İranın da bu cür tədbirlərə məruz qalan ölkələr arasında ola biləcəyini vurğulayıb.

"Mən bu barədə eşitmişəm və bununla razıyam. Respublikaçılar Rusiya ilə iş görən istənilən ölkəyə çox sərt sanksiyalar tətbiq edəcək qanun layihəsi təqdim edirlər və bunlara İran da daxil ola bilər", - o deyib.