Hakim Ədalət və İnkişaf Partiyasının (AKP) sözçüsü Ömər Çelik Suriya Demokratik Qüvvələri (SDG) 10 mart 2025-ci il tarixində imzalanmış 8 maddəlik razılaşmanın şərtlərini yerinə yetirmədiyi təqdirdə, Türkiyə planlı şəkildə hərəkət edəcəyini bildirib.

APA-nın Türkiyə bürosu xəbər verir ki, Çelik Türkiyə Silahlı Qüvvələri mümkün əməliyyatlara tam hazır olduğunu vurğulayıb:

“Türkiyənin milli təhlükəsizliyini təmin etmək üçün hər zaman hazırlığımız var. Ali Baş Komandanımız göstəriş verərsə, ordumuz dərhal əməliyyata hazırdır. Lakin əsas arzumuz buna ehtiyac qalmamasıdır”- deyə o bildirib.