Türkiyənin ətraf mühit, şəhərsalma və iqlim dəyişikliyi naziri Murat Kurum COP31-in prezidenti təyin olunub.

APA-nın Türkiyə bürosu xəbər verir ki, bu barədə Murat Kurum “X” sosial şəbəkə hesabında paylaşım edib.

Nazir Prezident Rəcəb Tayyib Ərdoğanın bu vəzifəni ona həvalə etməsindən qürur hissi keçirdiyini bildirib:

“Ölkəmiz siyasəti, bürokratiyası, vətəndaş cəmiyyəti və millətimizlə birlikdə 86 milyon olaraq bu tarixi fürsəti məzlum coğrafiyalar və dünyamızın xeyrinə istifadə edəcək”, – Murat Kurum qeyd edib.