Pakistanda avtobusun mikroavtobusla toqquşması nəticəsində 14 nəfər ölüb, 16 nəfər yaralanıb.

Xalqcebhesi.az xəbər verir ki, Pakistan mediasının məlumatına görə, qəza Pəncab əyalətinin Toba Tek Sinqh bölgəsində universitet idmançılarını daşıyan avtobusun mikroavtobusla toqquşması nəticəsində baş verib.

Səlahiyyətlilər qəzanın hər iki nəqliyyat vasitəsinin sürətlə hərəkət etməsi səbəbindən baş verdiyini və 9 nəfərin hadisə yerində, 5 nəfərin isə xəstəxanada öldüyünü bildiriblər.

Xəsarət alan 16 nəfərin hamısının müalicə üçün yaxınlıqdakı xəstəxanalara aparıldığı bildirilib.

Məryəm Quliyeva