Varşava Qrenlandiya məsələsində Danimarka, Avropa İttifaqı və ABŞ arasında əlaqələndirici rolunu oynamağa çalışır.

Bu barədə Polşanın müdafiə naziri Vladislav Kosinyak-Kamış TVN24-də məlumat verib.

"Polşa Aİ, Danimarka və ABŞ arasında əlaqələndirici rolunu oynayacaq. Tərəfləri əməkdaşlığa inandıracağıq", - o deyib.

Qeyd edək ki, Polşa prezidenti Karol Navrotski Böyük Britaniyanın baş naziri Kir Starmer ilə görüşdən sonra Danimarka və ABŞ arasında Qrenlandiya məsələsinin diplomatik həllinin tərəfdarı olduğunu bildirib.