Naxçıvanın Kənd Təsərrüfatı Nazirliyi və tabeli qurumlarda Elektron Kənd Təsərrüfatı Sisteminin (EKTS) qurulması üçün alınan avadanlıq və proqram təminatından indiyədək istifadə olunmayıb.

Bu, Hesablama Palatasının sözügedən qurumlarda apardığı uyğunluq auditinin nəticələrində əksini tapıb.

Məlumata görə, avadanlıqların alınmasına Ehtiyat Fondundan 9 milyon 44 min 172 manat vəsait ayrılıb.

Hesablama Palatası aşkar edilən nöqsanın aradan qaldırılması və sistemin qurulması ilə bağlı işlərin sürətləndirilməsi barədə tapşırıqlar versə də, məsələ icra edilməmiş qalıb.