ABŞ prezidenti Donald Trampın açıqlamalarına baxmayaraq, ABŞ-ın Qrenlandiyaya qoşun göndərmək planı yoxdur.

Xalqcebhesi.az xəbər verir ki, "The Hill" qəzetinin məlumatına görə, ABŞ Nümayəndələr Palatasının spikeri Mayk Conson deyib:

"ABŞ-ın Qrenlandiyaya müharibə elan etmək planı yoxdur. Bu, sadəcə mümkün deyil. ABŞ qoşunlarının yaxın zamanda hər hansı bir yerdə görünəcəyini gözləmirəm", - konqresmen deyib.

Eyni zamanda, Conson vurğulayıb ki, Qrenlandiyanın alınması ABŞ üçün maraqlıdır, çünki ada ABŞ və digər ölkələr üçün "strateji əhəmiyyətə" malikdir və bu, ABŞ-ın milli təhlükəsizliyi və mineral hasilatı ilə bağlıdır. Buna görə də, ABŞ "buna çox ciddi yanaşmalıdır", - deyə spiker hesab edir.

Məryəm Quliyeva