ABŞ Prezidenti Donald Tramp sosial şəbəkədə daha əvvəl silinmiş paylaşımı ilə bağlı jurnalistlərin suallarını cavablandırıb.

APA xarici KİV-ə istinadən xəbər verir ki, Tramp paylaşımı nəzərdən keçirdiyini, lakin yalnız ilk hissəsinə baxdığını deyib.

Onun sözlərinə görə, paylaşım Corciya ştatında seçki saxtakarlığı və səsvermə maşınları ilə bağlı olub:

“Sonunda insanların xoşlamadığı bir şəkil var imiş. Mən də onu bəyənməzdim, amma görməmişdim”.

ABŞ Prezidenti əlavə edib ki, o, paylaşımın ilk hissəsini seçki saxtakarlığı və sistemdəki pozuntular barədə olduğu üçün aidiyyəti şəxslərə ötürüb: “Adətən onlar bütün məzmunu yoxlayırlar, amma görünür kimsə bunu etməyib və paylaşım yayımlanıb. Biz də sonra onu sildik”.