Ukrayna Prezidenti Volodimir Zelenskinin Qərbdən yeni hərbi-maliyyə yardımları ilə bağlı açıqlamaları Kiyevin sülhə can atmadığını göstərir.

Xalqcebhesi.az xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova brifinqdə bildirib.

“2025-ci ildə Zelenski Stokholm və Parisin Ukrayna Silahlı Qüvvələrinə təyyarələr göndərmək planlarından dəfələrlə danışıb. Bundan əlavə, 2025-ci ilin oktyabr və noyabr aylarında o, həm İsveçin baş naziri, həm də Fransanın prezidenti ilə müvafiq sazişləri imzalayıb. Lakin bu, hələlik yalnız deklarasiya və niyyət səviyyəsindədir, yaxın perspektivdə də bu sahədə dəyişiklik gözlənilmir. Avropada bu cür iddialı planları həyata keçirmək üçün istehsal gücü sadəcə mövcud deyil”, — deyə o, Zelenskinin Avropa ölkələrinin Kiyevə hərbi yardım göndərməsi ilə bağlı sözlərini şərh edərkən bildirib.

“Zelenskinin tez-tez Qərb sponsorlarından yeni hərbi-maliyyə yardımlarının elan olunması Kiyevin və onun müdirlərinin sülhə heç bir meylinin olmadığını açıq göstərir”, — əlavə edib.

Məryəm Quliyeva