İranın xarici işlər naziri Abbas Əraqçinin adı fevralın 23-də keçiriləcək BMT-nin İnsan Hüquqları Şurasının sessiyasının yenilənmiş çıxışçılar siyahısından çıxarılıb.

APA xəbər verir ki, bu barədə beynəlxalq insan hüquqları üzrə hüquqşünas Hillel Noyer “X” sosial şəbəkəsində paylaşım edib.

Məlumata görə, qərar BMT-ni dəvəti geri götürməyə çağıran onlayn kampaniyadan sonra qəbul olunub. Kampaniya iştirakçıları Əraqçi və ya hər hansı digər İran nümayəndəsinin çıxışı baş tutacağı təqdirdə, digər nümayəndə heyətlərini zalı tərk etməyə səsləyiblər.