Gürcüstan hökuməti Abxaziya ərazisindən keçən dəmir yolunun bərpası məsələsi ilə bağlı Rusiya ilə heç bir danışıqlar aparmır.

APA-nın yerli bürosu xəbər verir ki, bu barədə Gürcüstan parlamentinin sədri Şalva Papuaşvili jurnalistlərə açıqlamasında bildirib.

Onun sözlərinə görə, Gürcüstanla Rusiya arasında münasibətlərin bərpasının bir sadə şərti var ki, bu da Gürcüstanın ərazi bütövlüyünün bərpasıdır.

Qeyd edək ki, ötən gün Rusiya Baş nazirinin müavini Aleksey Overçuk bildirib ki, Rusiya Abxaziya üzərindən Gürcüstanla dəmir yolu əlaqəsinin bərpası imkanlarını nəzərdən keçirir.