Avstraliyanın baş naziri Entoni Albanese, İŞİD-lə əlaqəli bir qrup ölkə vətəndaşının vətənə qayıtmaq cəhdləri üçün hökumətdən hər hansı bir dəstək olmayacağını bildirib.

Bu barədə "The Australian" qəzeti məlumat yayıb.

Baş nazir qeyd edib ki, Avstraliya hökuməti əvvəllər İŞİD-i dəstəkləyən və hazırda vətənə qayıtmağa çalışan bir qrup Avstraliya vətəndaşının ölkəyə qayıtmasında maraqlı deyil.

"Bu şəxslər İŞİD-i dəstəkləmək üçün xaricə səyahət ediblər. Biz onlara kömək göstərməyəcəyik və ya onların vətənə qaytarılmasını təşkil etməyəcəyik", - Albanese deyib.

Hökumət başçısı onlardan hər hansı birinin Avstraliyaya qayıdacağı təqdirdə dərhal Avstraliya qanunvericiliyinin tam miqyasında məsuliyyətə cəlb olunacağını vurğulayıb.