Gəncədə yanğın hadisəsi baş verib.

APA-nın yerli bürosunun məlumatına görə, hadisə şəhər ərazisində yerləşən evlərin birində qeydə alınıb.

Belə ki, sözügedən ərazidə yerləşən 120 kv metr olan həyat evlərinin birində anidən yanğın baş verib.

Hadisə yerinə FHN-in Gəncə Yanğından Mühafizə bölmələrinin yanğınsöndürən avtomobilləri və canlı qüvvəsi cəlb olunub.

Yanğın zamanı evin 47 kv metr sahəsi və dam örtüyü yanıb, yanğın qısa zaman ərzində söndürülüb və evin qalan hissəsi yanğından mühafizə edilib.

Yanğının yaxınlıqda olan evlərə keçməsinin qarşısı alınıb. Hadisənin baş vermə səbəbləri araşdırılır.