Goranboyda iki avtomobil toqquşub, 4 nəfər xəsarət alıb Hadisə

Goranboyda iki avtomobil toqquşub, 4 nəfər xəsarət alıb

Goranboyda yol-nəqliyyat hadisəsi baş verib.

APA-nın yerli bürosunun məlumatına görə, hadisə Goran-Naftalan yolunun rayonun Balakürd kəndi ərazisindən keçən hissəsində qeydə alınıb.

Belə ki, hərəkətdə olan iki avtomobil toqquşub. Qəza nəticəsində 4 nəfər xəsarət alaraq xəstəxanaya yerləşdirilib.

Hadisə yerinə DYP əməkdaşları cəlb olunub.

Faktla bağlı araşdırma aparılır.