Rusiya prezidenti Vladimir Putin əcnəbi jurnalistlərin Krasnoarmeysk, Dimitrov və Kupyanskda Ukrayna Silahlı Qüvvələri bölmələrinin bloklandığı ərazilərə maneəsiz daxil olmasına göstəriş verib.

Xalqcebhesi.az xəbər verir ki, bu barədə Rusiya Müdafiə Nazirliyinin mətbuat xidmətindən məlumat verilib.

Bəyanatda deyilir: "Rusiya Müdafiə Nazirliyi Rusiya Federasiyasının Ali Baş Komandanından Ukrayna Silahlı Qüvvələrinin komandanlığı ilə əlaqə saxlayarkən Krasnoarmeysk, Dimitrov və Kupyanskda Ukrayna qoşunlarının bloklandığı ərazilərə baş çəkmək üçün Ukrayna jurnalistləri də daxil olmaqla xarici jurnalistlərin maneəsiz girişini təmin etmək barədə əmr alıb".

Departament aydınlaşdırıb ki, Rusiya komandanlığı müəyyən edilmiş ərazilərdə hərbi əməliyyatları 5-6 saat müddətinə müvəqqəti dayandırmağa hazırdır. Xarici və ukraynalı jurnalist qruplarının giriş-çıxışı üçün də təhlükəsiz dəhlizlər təşkil ediləcək.

Məryəm Quliyeva