Avropa İttifaqı Şurası İranın daxili işlər naziri Eskəndər Momeni, Baş prokuror Mohəmməd Movəhhedi Azad və SEPAH-ın bölgələr üzrə komandirlərinə sanksiya tətbiq edib.

APA Avropa İttifaqının saytına istinadən xəbər verir ki, 15 şəxs və 6 qurum sanksiyaya məruz qalıb.

Məlumata görə, sanksiyalar son etiraz aksiyaları zamanı “İranda insan haqlarının ciddi şəkildə pozulması halları” ilə əsaslandırılıb.

Rusiyaya hərbi yardıma görə isə əlavə olaraq 4 şəxs və 6 quruma sanksiya tətbiq edilib.