Ukrayna nümayəndə heyəti artıq Amerika tərəfi ilə əlavə danışıqlar aparmaq və münaqişənin həlli ilə bağlı "bəzi materialları yenidən nəzərdən keçirmək" üçün ABŞ-a yola düşüb.

Xalqcebhesi.az xəbər verir ki, bu barədə Vladimir Zelenski bildirib.

"Hazırda iki sənəd üzərində işləyirik; komanda bəzi materialları yekunlaşdırmaq üçün xüsusi olaraq ABŞ-a gedib", - deyə o, jurnalistlərə bildirib.
Bundan əvvəl Ukraynanın ABŞ-dakı səfiri Olqa Stefanişina da Kiyev və Vaşinqtonun yaxın iki gün ərzində yeni danışıqlar raundu keçirə biləcəyini bildirmişdi. ABŞ-la danışıqlarda Ukrayna nümayəndə heyətini Təhlükəsizlik və Müdafiə Şurasının katibi Rüstəm Umerov və Xarici İşlər nazirinin müavini Sergey Kıslıtsya təmsil edir.

Məryəm Quliyeva