“COP29 konfransı ilə bağlı inkişaf etmiş ölkələr inkişaf etməkdə olan ölkələrlə aralarında olan fikir müxtəlifliyini, ixtilafı kənara qoymalıdırlar. Bu, iqlim dəyişikliyi ilə bağlı qəbul edilmiş beynəlxalq sənədlərin mahiyyətindən irəli gəlir və bu sənədlərin əsas konteksti ondan ibarətdir ki, məhz inkişaf etmiş və etməkdə olan ölkələr arasında məsuliyyətin bərabər bölüşdürülməsi, xüsusilə də iqlim dəyişikliyi ilə üzrə fondlara müxtəlif investisiyaların yatırılması məsələsi daim gündəmdə olsun”.

Bunu xalqcebhesi.az-a açıqlamasında Milli Məclisin deputatı Tural Gəncəliyev deyib.

Deputat bildirib ki, Bakıda keçiriləcək COP9 konfransında da məqsəd məhz xoşniyyətli tədbir olaraq bu məsələlərə diqqəti çəkmək, həm bu fikir müxtəlifliklərinə son qoymaq, həm də ümumiyyətlə, iqlim dəyişiklikləri ilə bağlı maliyyə vəsaitlərinin ayrılmasını bir daha dünya ictimaiyyətinə çatdırmaqdır:

“Misal üçün 2021-ci ildə Almaniyada böyük sel fəlakəti baş vermişdi və Almaniya dövləti seldən bir neçə gün sonra cəmi 40 min nəfərə yaxın insanın həyatına təsir etmiş bu fəlakətə görə on milyardlarla avro məbləğində vəsait səfərbər etmişdi. Bu həm Almaniyanın özü, həm də partnyorları Avropa İttifaqı tərəfindən səfərbər edilmiş vəsait idi. Keçən il isə yəni 2023-cü ildə qardaş Pakistanda 40 milyona qədər insanın həyatını təhlükəyə salmış sel daşqını baş verdi, ancaq bu daşqından sonra Pakistan dövlətinin nə özü lazım olan vəsaiti səfərbər edə bildi, nə də dünya ictimaiyyəti bu məsələdə aktiv oldu, diqqət göstərdi. Yəni burada da ədalətsiz yanaşma müşahidə edildi”.

Röya İsrafilova