Almaniya kansleri Fridrix Merts Rusiya və Almaniya nümayəndələri arasında Bakıda keçirilən qeyri-rəsmi görüş barədə məlumatsız olduğunu deyib.

Berlində Prezident İlham Əliyevlə birgə mətbuat konfransında Bakıda Almaniya və Rusiya nümayəndələri arasında görüşün keçirilməsi barədə sualı cavablandıran Merts bildirib:

"Mən buna çox sadə bir cavab verə bilərəm: Belə bir görüş haqqında heç nə bilmirəm".

Qeyd edək ki, Prezident İlham Əliyev Bakıda Rusiya və Almaniya nümayəndələri arasında görüşün keçirildiyini təsdiqləyib. O qeyd edib ki, görüş barədə öncədən Azərbaycan tərəfinə məlumat verilməyib, bu barədə "The Times" qəzetindən məlumat alıb.