ABŞ ordusu İranla müharibəyə görə o qədər çox pul xərcləyib ki, yaxın həftələrdə əsgərlərin təlimi və digər vacib ehtiyaclar üçün büdcədə heç bir vəsait qalmaya bilər.

Bu barədə "The Washington Post" (WP) qəzeti məlumat yayıb.

Məlumata görə, ABŞ ordusu büdcəyə qənaət etmək məcburiyyətində qalıb və hərbçilərin təlim xərclərini azaldıb:

"Hərbi Dəniz Qüvvələri və Hərbi Hava Qüvvələri bütün ilə çatmalı olan büdcə vəsaitini artıq iyulun sonuna qədər qurtara bilər. Bu səbəbdən Pentaqon əvvəlcə təlim və silah alınması üçün nəzərdə tutulan 4,3 milyard dolları daha təcili ehtiyaclara xərcləmək üçün Konqresdən icazə istəyib və hazırda cavab gözləyir".