ABŞ-ın Arizona ştatının Mesa Polis Departamenti və Mesa Yanğın və Sağlamlıq İdarəsinin yaydığı məlumata görə, Mesa şəhərindəki Falcon Field Hava Limanında havaya qalxan kiçik reaktiv təyyarə uçuş-enmə zolağının yanındakı yolda avtomobilə çırpılıb.

Xalqcebhesi.az xəbər verir ki, bu barədə Türkiyənin “sabah.com.tr” saytı xəbər paylaşıb.

Xəbərdə qeyd edilir ki, qəzada pilot, köməkçi pilot, 2 sərnişin və nəqliyyat vasitəsinin sürücüsü həyatını itirib, 1 nəfər yaralanıb.

Federal Aviasiya Administrasiyası təyyarənin Honda HA-420 tipli yüngül biznes reaktivi olduğunu və qəzanın səbəbinin araşdırıldığını bildirib.