İsrail Baş Qərargah rəisi Eyal Zamir Qəzzadakı “Gideonun döyüş arabaları” əməliyyatının ikinci mərhələsinin başladığını elan edib.

E.Zamir Cənub Komandiri general-mayor Yaniv Asor və yüksək rütbəli birlik komandirləri ilə Qəzzaya səhra turu həyata keçirib.

Qəzzada aparılan müşahidələrdən sonra əməliyyatın ikinci mərhələsinin başladığını deyən Zamir "Qəzzanın mərkəzində qarşıdurmaları artırırıq və HƏMAS-a vurulan ziyanı dərinləşdiririk. Bu məqsədə uyğun olaraq biz əhəmiyyətli ehtiyat kadr səfərbərliyinə başladıq. HƏMAS-ın ağırlıq mərkəzlərinə onu məğlub edənə qədər hücum etməyə davam edəcəyik" deyə vurğulayıb.

HƏMAS hərəkatının silahlı qanadı İzzəddin əl-Qəssam Briqadaları isə Qəzza şəhərinin bütünlüklə işğalını hədəfləyən İsrailə qarşı “Musanın Əsası” əməliyyatının başladığını açıqlayıb.