Qarabağda heyvandarlıq sahəsində biznes üçün subsidiyalar nəzərdə tutulub.

Trend-in məlumatına görə, bunu çərşənbə günü Aqrar Kredit və İnkişaf Agentliyinin İdarə heyətinin sədri Seymur Mövlayev "Qarabağda biznes və investisiya imkanları" adlı panel sessiyasında deyib.

"Azad edilmiş ərazilərdə heyvandarlıq sahəsində biznesin yaradılması üçün sahibkarlara dövlət tərəfindən 60 faiz həcmində subsidiyalar veriləcək", - deyə o bildirib.

Onun sözlərinə görə, bu sektor üçün avadanlıqların alınmasına görə dövlət tərəfindən 40 faiz həcmində subsidiyalar nəzərdə tutulub.