İran Parlamentinin sədri Məhəmməd Bağır Qalibaf və ABŞ-ın vitse-prezidenti C.D. Vens 22 apreldə İslamabada gələcəklər. Associated Press yerli rəsmilərə istinadən xəbər verir ki, İran və ABŞ Pakistana İslamabadda keçiriləcək yeni danışıqlar mərhələsində iştiraklarını təsdiqləyiblər.

Xalqcebhesi.az xəbər verir ki, Associated Press-in məlumatına görə, Pakistan hakimiyyəti İslam Respublikası Parlamentinin sədri Məhəmməd Bağır Qalibaf və ABŞ-ın vitse-prezidenti C.D. Vensin 22 aprel səhəri İslamabada gələcəyinə dair təsdiq alıb.

ABŞ və İsrail 28 fevralda İrana qarşı genişmiqyaslı əməliyyata başlayıblar. 7 apreldə Amerika lideri iki həftəlik qarşılıqlı atəşkəs elan edib. 11 apreldə İran və ABŞ İslamabadda bir neçə danışıqlar mərhələsi keçiriblər. İran nümayəndə heyətinə Parlamentin sədri Məhəmməd Bağır Qalibaf, Amerika nümayəndə heyətinə isə vitse-prezident C.D. Vens rəhbərlik edib. Tehran və Vaşinqtonun sonradan bildirdiyi kimi, tərəflər bir sıra fikir ayrılıqları səbəbindən münaqişənin uzunmüddətli həlli ilə bağlı razılığa gələ bilməyiblər.

Xatırladaq ki, CNN daha əvvəl mənbələrə istinadən ABŞ-İran danışıqlarının ikinci mərhələsinin 22 aprel səhəri keçiriləcəyini bildirmişdi. ABŞ nümayəndə heyətinə vitse-prezidenti J.D. Vance rəhbərlik edəcək. "Əl-Hədət"dəki mənbənin məlumatına görə, ABŞ və İran nümayəndə heyətləri danışıqlarda iştirak etmək üçün çərşənbə axşamı eyni vaxtda İslamabada gələcəklər. İran əvvəllər ABŞ ilə danışıqlarda iştirak edib-etməmək barədə qərarın hələ verilmədiyini bildirmişdi.

Məryəm Quliyeva