Hazırda ABŞ ilə danışıqlar çərçivəsində İrandakı zənginləşdirilmiş uran ehtiyatlarının ölkədən çıxarılması məsələsi müzakirə edilmir.

Xalqcebhesi.az xəbər verir ki, bu barədə danışıqlar prosesinə yaxın mənbəyə istinadən İranın "Fars" agentliyi məlumat yayıb.

Mənbənin məlumatına görə, "hazırkı mərhələdə uran ehtiyatlarının təhvil verilməsi məsələsi danışıqların gündəmində deyil". Agentliyin həmsöhbəti bildirib ki, "ilk növbədə ABŞ tərəfi bəzi fundamental məsələlər üzrə aydın və qəti razılaşmaların əldə olunmasına yönəlmiş konkret və qətiyyətli addımlar atmalıdır".

Bununla əlaqədar olaraq mənbə "Al Hadath" telekanalının İslam Respublikasının "öz uran ehtiyatlarının bir hissəsini üçüncü ölkəyə təhvil verməyə" razı olması barədə yaydığı məlumatı da təkzib edib və bu xəbəri "səhv" adlandırıb.

Məryəm Quliyeva