Buğda, qarğıdalı və günəbaxan yağı daşıyan üç quru yük gəmisi çərşənbə axşamı Ukrayna limanlarını tərk edib.

Bu barədə Birgə Koordinasiya Mərkəzindən bildiriblər.

"Noyabrın 29-da Qara Dəniz Taxıl Təşəbbüsü çərçivəsində ümumilikdə 61 050 ton taxıl və digər ərzaq daşıyan üç gəmi Ukrayna limanlarını tərk edib", - deyə qeyd olunub.

“Maria GS” (26 350 ton qarğıdalı) və “Torc” (8,4 min ton günəbaxan yağı) adlı iki quru yük gəmisi İtaliyaya yollanır. "Daytona Dynamic" gəmisi Türkiyəyə 26,3 min ton buğda tədarük edəcək.

Bundan əlavə, çərşənbə axşamı dəniz humanitar dəhlizindən keçən Ukrayna limanlarına üç gəmi göndərilir.