Bakıda ödənişli hərəkət zonalarından toplanan haqq dövlət büdcəsinə ödəniləcək
Məqsədli büdcə fondları ləğv olunur, daxilolmalar dövlət büdcəsinin gəlirlərinə aid ediləcək
Baytarlıq pasportunun verilməsinə dövlət rüsumu 30 manat olacaq
Qoyun əti üzərinə nişan qoyulması üçün dövlət rüsumunun məbləği 2 dəfə azaldılır
12:17
133
Ölkə daxilində yükdaşıma fəaliyyəti ilə məşğul olan şəxslərə əldə oluna gəlirlərin vergilənməsi üzrə alternativ olaraq 8 faiz dərəcə ilə sadələşdirilmiş vergin tətbiqi hüququnun 5 il müddətinə verilməsi təklif olunur.
Bu, Milli Məclisin bu gün keçirilən iclasında müzakirəyə çıxarılan Vergi Məcəlləsinə təklif olunan dəyişiklikdə əksini tapıb.
Qeyd edilib ki, ölkədaxili yükdaşıma fəaliyyəti iqtisadiyyatın tədarük zəncirinin fasiləsizliyini təmin edən əsas xidmət sahələrindən biridir və bu sektorda fəaliyyə göstərən subyektlərin əhəmiyyətli hissəsi kiçik sahibkarlar və fərdi daşıyıcılardan ibarətdir. Mövcud vəziyyətdə daşıyıcılar tərəfindən bir sıra xərclərin rəsmiləşdir bilinməməsi bəzi hallarda dövriyyənin tam bəyan edilməməsi və qeyri-rəsmi fəaliyyət risklərini artırır. Alternativ olaraq 8 faiz dərəcə ilə sadələşdirilmiş verginin 5 il müddətinə tətbiqi hüququnun verilməsi bu sahədə vergi öhdəliklərinin sadələşdirilməsinə, inzibat xərclərin azalmasına və sahibkarların könüllü uyğunluğunun yüksəlməsinə xidmət edəcək.
Bu mexanizm yükdaşıma xidmətlərinin rəsmiləşdirilməsini təşviq etməklə yanaşı logistika xərclərinin şəffaflaşmasına və bazarda bərabər rəqabət mühitinin formalaşmasına müsbət təsir göstərəcək.
Müzakirələrdən sonra qanun layihəsi səsverməyə çıxarılaraq birinci oxunuşda qəbul edilib.